iKlwaa

Ukuphathisa okwezikhali zaMantungwa 

Nina beSilo nansi incazelo ngesisho esithi “Ukuphathisa okwezikhali zaMantungwa”.Ngokusbho kukaSolwazi uLZM Khumalo owasebenza kakhulu oNgoye uthi aMantungwa ayengamaNono,engamaQhathanzipho ayeqikelela ukuthi izikhali zawo zihlezi zihlanzekile,zi-clean.Uthi kwakuthi ngisho noma ebuya empini azigeze izikhali zawo.UMntungwa uqhuba athi aMantungwa ayezikhonzile izikhali zawo,ezithanda ,zihlezi zisezandleni.Uthi ayezicwala(ukupholisha)eqikelela ukuthi zihlezi zihlanzekile.Lokho kufakazelwa nayizibongo zenkosi uMzilikazi uma zithi “uKhali zaMantungwa zacwalwa zakhwezwa ethala kithi eKuphumuleni,kunini zimoklamokla izinkomo zamadoda!Lesi sisho esithi “Ukuphathisa okwezikhali zaMantungwa”sisho ukuphatha kahle into ethile uqinekele ukuthi awuyimoshi,awuyixhaphazi.Lalela nansi iVideo ezansi.

Khumu!