uMntanenkosi uZimfamona Khumalo,okwaqanjwa ngaye indawo yaseFamona kwaBulawayo,eZimbabwe.
UMntanenkosi uZimfamona ka Lobhengula Khumalo
Nina beSilo esithombeni nguMntanenkosi uZimfamona Khumalo,indodakazi encane yenkosi uLobhengula.Le nkosazana yakithi kuthiwa yiyona eyabe iwuThumbu wenkosi uLobhengula ezinganeni zamantombazana.Kuhlawumbiselwa ukuthi yayizalwe ngeminyaka yama 1880s.Yethiwa ngaleli gama ngoba inkosi yayibhinqa izinduna zayo oMbiko Masuku kanye noMkhokhi Masuku ezazike zazama ukuqumba phansi umbuso wenkosi uLobhengula kwaze kwaliwa impi enkulu eyabizwa ngokuthi yimpi yaseNgazini.UMbiko wayehola ibutho elalaziwa ngokuthi uZwangendaba,uMkhokhi yena ehola iNyamayendlovu.UMkhokhi wagcina ehoxile ekulweni impi yaseNgazini kulandela ukudonswa kwakhe ngendlebe yiSangoma thizeni,sathi angalinge azibandakanye ngoba wayezosala khona.UMbiko yena waqhubeka walwa,ngeshwa wasala enkundleni kuleyo mpi.UMntanenkosi uZimfamona wayezalwa uMaMkhwanazi.Le nkosazana yakwethu kwaqanjwa ngayo indawo engaMakhishi yakwaBulawayo,iFamona.AmaNgisi abhimba igama elithi “Zimfamona”,athi Famona.UMntanenkosi uFamona wagana uHole indodana yakhe uMkhokhi,okusobala ukuthi kwagcina kukhunyelwene umlotha.UMntanenkosi uZimfamona wazala uNzula kaHole Masuku,owazala uMalaki owayesabusa eNyamayendlovu ngeminyaka yama1990s.
Khumu!
Buka iVideo ngezansi
