eMpandeni Mission

Ibutho leMpande

MaNtungwa amahle nina abeSinambathi esagxabha senyela eManyandane!USibopha sishomo singumquba kubo kwaSokhumalo.Nina beSilo ake ngikhe phezulu umlando webutho le Mpande.Ibutho leMpande labuthwa yinkosi uMzilikazi.Umuzi elalihlala kuwo wawubizwa ngokuthi kuseMpandeni.Inkosi uMzilikazi yaqoka uMpanjwana Khumalo ukuba abe yinduna yaleli butho.IMpande yazilwa izimpi zenkosi uMzilikazi ngenkathi isizwe sisazinze eNtilasifali,singakayiweli iNgulukudela.Ngesikhathi sokubusa kwenkosi uLobhengula umuzi waseMpandeni wawakhe eduze nalapho sekuyidolobha lasePlumtree khona namuhla,eZimbabwe.Kwahamba kwahamba inkosi uLobhengula yabulala induna uMpanjwana Khumalo.Imbangela yokubulawa kukaMpanjwana kwaba wukuthi wayebulale umuntu ngaphandle kwemvume yenkosi uLobhengula.Esebulewe uMpanjwana inkosi uLobhengula yaqoka uSindisa Mpofu ukuba abe yinduna yeMpande.Induna uSindisa yazala induna uTshitshi okwaqanjwa ngayo indawo yakwaTshintshi ePlumtree. Induna uTshitshi yiyona ehola ibutho leMpande ngemuva kokushona kukayise.IMishini iMpandeni Mission eseduze nelobha lasePlumtree yaqanjwa ngawo umuzi waseMpandeni.Yakhiwa uFata Peter Prestage ngo1887 esizeni ayesisikelwe yinkosi uLobhengula.

Khumu!