Professor James-Mokoae Machobane.

Abantu besibongo sakwaMachobane 

Abantu bakwaMachobane bangabakwaKhumalo,batholakala kakhulu eVaal ,bayathokala futhi naseSasolburg, eKroonstad, eVentersburg kanye naseWinburg.Lezi izindawo odlula kuzona uma usuka eVaal(Vereeniging) uhamba ngomgwaqo owuThelawayeka uR57 uphikelele eFreestate,lo mgqwaqo ubuye waziwe ngoGolden Highway.Abantu bakwaMachobane bayatholakala naseLesotho imbala.Uma ubabuza ngomlando  wabo bathi baphuma kumfowabo wenkosi uMzilikazi owashiywa inkosi uMzilikazi endaweni osekuyiVereeniging khona namuhla,kuthiwa leyo nsizwa yabe ingomunye wabantu ababaziwa ngokuthi bangaBalindi beNkosi okungabantu ababeshiywa inkosi uMzilikazi endaweni uma yona isifuduka,ukuze labo bantu besale bebheke leyo ndawo.Abantu bakwaMachobane  bayaziqhelelanisa noMdletshe ka Langa wakwaKhumalo okunguyena ozala iningi laMantungwa elizinze ezweni laseLesotho.Bathi bona ukhokho wabo wabe enguMlindi wenkosi.Esithombeni nguSolwazi uBaba uProfessor Lehlohonolo Banda Burns Jiane Machobane iSifundiswa saseLesotho esasizalwe ngo1941,sadlula emhlabeni ngomhlaka 9 kuNcwaba 2025.

Khumu!