Mtutuzeli Dudu Pukwana

Umlando ngesibongo sakwaPhukwana

Nina beSilo esithombeni nguBaba uMtutuzeli Dudu Pukwana owabe enguMculi weJazz,ehamba umhlaba wonke ngezikhathi zakhe.UBaba uPukwana wayezalwe ngomhlaka 18 kuNtulikazi 1938 ezalelwa lapho sekuseGqeberha khona namuhla.Wedlula emhlabeni mhlaka 30 kuNhlangulana 1990 eshonela eNgilandi,eneminyaka eyi51.Abantu bakwaPhukwana nina beSilo basengabantu bakwaKhumalo,sibathola bethe chithi saka esifundazweni iMpumalanga Koloni.Banobukhosi babo endaweni yaseMdletyeni eTsomo.Laba bantu bakwaPhukwana bangabesende likaMdletshe ka Langa wakwaKhumalo.Amanye amadodana ka Khumalo kwakungoMkhatshwa,uYengwayo,uLuvuno kanye nabanye.UPhukwana lona owakwakheka ngaye isibongo wayenomfowabo uTshangana naye oseyisibongo nabo.Nabo abakwaTshangana banobukhosi khona eMdletyeni eTsomo ngaphesheya komfula iTsojana.Bambalwa kakhulu abantu bakwaKhumalo abaseMpumalanga Koloni abangabona abesende likaMdletshe.UMdletshe lona engikhuluma ngaye akuyena owakwaMthethwa owazala abesibongo sakwaMdletshe.Esendeni likaMdletshe Khumalo kubuye kuphume nezinye futhi izibongo esingabala kuzo esakwaPhenduka,esakwaSijemlana,esakwaMgoqi,esakwaTjemolana,esakawaManzana,esakwaSobuza kanye nezinye.Izithakazelo zakwaPhukwana nezakwaTshangana ziyefana nezakwaKhumalo.

Khumu!